يمكن تكون الآن بمرحلة فيها أسئلة كثيرة:
شو أدرس؟ أي تخصص بناسبني؟ هل أكمّل جامعة؟ هل أختار مسار مهني؟ هل قراري صح؟ وهل الطريق اللي بفكر فيه فعلاً مناسب إلي؟
طبيعي جدًا تحس بالحيرة، خصوصًا لما يكون القرار مرتبط بمستقبلك، دراستك، شغلك، والفرص اللي ممكن تفتح قدامك بعدين.
هذا النموذج مش معمول للي عنده خطة جاهزة وواضحة .
هو معمول إلك إذا كنت محتار، أو عندك أكثر من خيار، أو مش عارف من وين تبدأ، أو حابب تفهم نفسك وميولك قبل ما تختار.
من خلال إجاباتك، بنحاول نفهم وين أنت الآن، شو الأشياء اللي بتهمك، وشو نوع المساعدة اللي ممكن تحتاجها عشان توصل لقرار أوضح وأنسب إلك.
خذ وقتك بالإجابة، وما تحاول تعطي إجابات “مثالية”.
اكتب اللي بعبّر عنك بصدق، لأن الهدف مش نحكم عليك، الهدف نساعدك تشوف الطريق بصورة أوضح.